Sardare Auliya ko hamara salam ho
Waliyon ke peshwa ko hamara salam ho
Chooron ko jisne Qutub o Abdaal kar diya
Aalam ke rehnuma ko hamara salam ho
Baghdad ke shahenshah mere deen ke Moin
Sultane Asfiya ko hamara salam ho
Mujhpe karam kiya mere data karim ne
Uss Dafay e Bala ko hamara salam ho
Kis se kahe tu ja ke kahe dil ki dastan
Gum khwar ghum zuda ko hamara salam ho
Illa Takhaf keh ke be khauf kar diya
Sultan e Do jaha ko hamara salam ho
Syed ko bhi suna do muzda shafa ato ka
Rehbar o Rehnuma ko hamara salam ho🌹🌹🌹
by – Kalame Sayyed
Sehzadaye Sarkare Gouse Azam Ale Rasool
Sayyed Mohsin Qadri Barkati (Davanagere . Karnataka )